Pé oan aet de denno me zreid oe chomet me botinenn barz !

Gant M. deus Laruen a moemp laket ar gaoz war an amzer, ha setu-eñ kroget de gonto on istor fentus ba mesk joñjow deus labouriow ar gouañ gwejall. Trañskrivet en traow ganin-mé, michañs blijo dac'h-hwi !

- Erc’h zo, erc’h zo de(us)-’r gouañ...amañ pé... ?

Med pas or bern, vejow…

- Pas or bern ?

Er bla bennaket med

- Or vech er bla med...

Euh...daou pe tri bla so n’eus ket bet !

- Nann ? Med (ba) miz meurz n’eus ket bet ? Pujur...or mintinvez deus miz meurz moe kle’ed on tamm kehelou deus E.M. zo (i) chom ba…

Ha ya ya !

...d’en tu-ell, ha noe laret din « Oh ba erc’h zo, er beure-mañ ! ».

Ho ya med, n’eus ket...

- Hag e oe penn kentañ miz meurz !

Med oe ket te !

- Nann, nann…

Oe ket kalz kwa !

- De noz oe ket mann kin !

Mé meus gwel’t erc’h pe oan yaouank ha chome pemzektei, teir zun war (e)n douar !

- Oh ya, gwir é ?

Ya !

Oh med dies é dimp...nom rento kont memestra !

Ben ya !

- Pujur n’eus ket kin !

Nann, en hañi neus ket gwel’t !

- Ben nann…

Ba, d’er c’houlz-se...

- Or pemzegtei memestra !

D’er c’houlz-se vize ret derc’hen on toullad loened ba ’r c’hraow neuhe, hag o’er war o zro, ha kass nê d’en dour, d’er vantenn ! Hag o’er war o zro, hag, er bouet vije skornet !

- Ba ya neuzen, tout tout vije skornet !

Ya ! Tabaga, euh, rutabaga, beterabes. Hag, beterabes vije laket ba koste or c’hleuñ kwa.

- Ya ya ya !

Ha vije laket...ha bon...ba ’n toul vije skornet, med neuhe h-erc’h pelloc’h vijent ket skornet ! Ha derc’hen, vit...derc’h rec’h kleuzo benn er fin vije...benn er fin kouee or bern war me c’hein ! Ha pe oa aet en erc’h kuit oa koeet tout, er re-skornet hag er re-diskornet mesk-ha-mesk hag er re...re oa bet skornet e tae en dour mez deuse ha lake ‘r re-all de vreino !

- Oh n’é ket possubl !

Ah ya !

-Neuzen e oe bet kollet er vech-mañ, er vech-se…

Ho ba ya, vije kollet on...on hanter deus er bouét kwa !

- Oh la ! Med beterabes oe...oe laket de vounto vit el loñed ? N’é ket ?

Ya,ya ! Ha rutaba vije lar’t lec’h rutaba, rutabaga kwa, tabaga ! Ha, hag er re-eñs vije ket laket douar warne, re-eñs vije laket gouziow ha traow, med er re-eñs skorne mat neuhe ! Ah ya ! Er c’hiezek vije ret troc’h o land dê, ha vije en erc’h wa’ ‘r land. Hag n’halec’h ket mont de...mont gant er c’hiezek de glask nê pégur risklent ! Mont a rec’h de vala nê, ha h-aec’h tre bord en hent, beta or park tost kwa, ha, raec’h di pe dèr dro d(eus) er park gante vit...vit lak’t nê de gerza bawnde, hend-all dapent euh...on taol gwad ! Ha ya ! Ha h-aec’h de glask or bern land war ho kein ! Frañsoa oe pod’…pod’ e’ hiezeg a h-ae de hijal el land de veure. Ha neuhe pé...goude kreistei h-aent tout de glah bop e vec’had land. Ba mé zo bet klask eué...er...’r bec’h land war me hein ! Ah hoas, oan aet de dreujiñ ba on hent, on hent dour oe aheñ ha henz oe skornet tout ! Ha me oa aet de dreujiñ nañ, ha torret, hag aet barz !

[Ema i tiskayo i dreit...]

Ha pé oan aet de denno me...me zreit, oe chomet me botinen ba... !

- Oh !

Kar benn-neu’ oe botineier, e-rok oe ket hoas...med benn neuhe oe, ha chomet me botinen ba skorn.

- Hag e oe in koet ? Boetow koed oe ba’n ho troed pe boetow ler ? Boetow ler !?

Ah, botinow !

- Botinow...

Botinow du vije d’er houls-se !

- Neuzen...oe gwet gant...vije gwet gant ler pé ?

Kaouchoug, kaouchoug !

- Kaouchoug ! Ah ya ya ya, mat !

Ha pé moe...pé moe tennet me zreid oe chomet me botinenn barz ! Ha oe red din bout teurel me berc’had land ha tenniñ me botinenn mez. Ha laket me zreid bar(z), med gleb oe pé...pé oe aet dour barz !

- Ha oe ket re don, penos hoas pé ?

Oh ! Memestra oe...oe...me botinow...aet oe dour ba me botinenn !

- Ba ya, memestra ya…

Pé oen a(rr)i ba ‘r gêr oe red din...ale ! De vont de...penn bern plouz de laket plouz ba...ba me botinenn !

- De laket plouz barz, vit zerc’ho nê !

Oh ya ! Mizer vije n’afer-ze heiñ ! Poan mije ! Ha vit afer-se, pe vije a(rr)i en noz, h-aemp (war e)n hent de hoari kartow, de...de wel’t en eil hag en all !

- Ha, memes-mod ? Hañ-gouañ ? Memes ma vije skorn ?

Ya, ya ya ! Ha neuhe vije ket gall’t zav re abred ! D’o’er peter ? Pegwir oe ket...oe ket elektrisite !

- Nann !

N’hallec’h ket mont kin vije skler en dei ! Ha vije ket g(r)et mann ‘bet med...med ray bouet d’el loñed kwa ! Vejow h-ae en dud (de) diskar or wenn benaked ! D’o’er tan kwa !

- Med ze n’harze ket en dud de welet...mont de welet er re-ell neuzen, pe vize erc’h pé ?

Oh gé gé !

- Ya, ya memestra ?

Oh ya ! Neuhe vize muioc’h a amzer, vi’e lar’t « Oh n’eus ket med war dro el loñed d’ober ! Ola... » Vije ket sansupl ! Oh gé gé ! Muioc’h a amzer vije vit pé vije bra ! Pé vi’e a(rr)i miz meurz euh...hend-all vije gret deus en dei kentañ bla, vije kafeiow neuh’ ba-’n eil tu en all, kaji...vije ket bomnoz med tost ! Med pé vije a(rr)i miz meurz vi’e lar’t :

« - Bon ! Ale, poent é...poent é achuiñ ! ». Neuhen vije ay’...hir a-walc’h en dei kwa ! Ha labour vije d’o’er ! N’é ket med bromeñ-bromeñ pé vi’e de dreiñ douar, de dreiñ nav pé deg deveiz-arad ba on deivez ! Med d’er c’houlz-se beñ...vije... gant kezeg ! Ha pad er gouañ vije ket gellet o’er kalz ma vije vall en amzer ! Wa(r)-lerc’h vije...ben-n(eu)heñ vije poent deuño en douar, de lakat pato, de lakat éd...éd-hañ kwa ! Kerc’h-hañ ! Heiz ! Tout en traow ! Tout el labour !